Góð ráð um motorsúkklur
Várið er av álvara komið og við várinum koma smálomb, lýggjari veður – og motorsúkklur
Vit hava savnað 6 góð ráð, so vit øll kunnu ferðast trygt saman.
Trý góð ráð til tín á motorsúkklu:
Halt hámarksferðina! Tá motorsúkklur eru partur av ferðsluvanlukku, er ov nógv ferð ofta ein orsøk, umframt at bilførarar hava torført at meta um, hvussu skjótt tú koyrir.
Hav eyka fyrilit fyri øðrum ferðandi. Minst til, at bilførarar kunnu hava torført við at síggja teg.
Ver sjónlig/ur! Brúka endurskinsvest, ella vel ein hjálm í bjørtum liti.
Trý góð ráð til bilførarar:
Ver eyka varin. Tað kann vera torført at síggja eina motorsúkklu í ferðsluni.
Hygg teg væl um. Brúka síðu- og bakspegl og ansa væl eftir motorsúkklum, sum eru langt burturi. Tær kunnu koyra skjótari, enn tú væntar.
Hygg serliga væl, tá tú koyrir tvørtur um ein veg.